Ээлжит хичээлийн хөтөлбөр4

Сэдэв: Баримтад хүснэгт оруулах

Заах анги: Ерөнхий боловсролын сургуулийн 7-р анги

Хичээлийн хэлбэр: Шинэ мэдлэг эзэмшүүлэх

Суралцахуйн зорилт: Мэдээллийг хүснэгтээр дүрслэх хэрэгцээг ойлгох, хүснэгтийг үүсгэж, өгөгдөл оруулж, хэлбэржүүлэх, бичил тооцоо, судалгаа хийх арга барилд суралцах. эзэмших мэдлэг, чадвар: Хүснэгт үүсгэх, мэдээлэл оруулах, хэлбэржүүлэх, бичил тооцоо, судалгаа хийж, үр дүнг боловсруулах.

Түлхүүр үг: Хүснэгт, мөр, багана, нүд.

Судлах цаг: 2

Хичээлийн үйл ажиллагаа:

№	Үйл ажиллагаа	Хугацаа  80 мин	Хүрэх үр дүн
1	Гэрийн даалгавар шалгана.	8	Гэр бүлийнхээ усны хэрэглээг судалж, үр дүнг дэвтэртээ хүснэгт байгуулан бичиж, тооцоо хийсэн байх.
2	Бяцхан номын файлаа нээж, “Манай гэр бүлийн усны хэрэглээ” гэсэн гарчиг тавиад гэртээ бэлтгэсэн хүснэгтийг оруулна (сурах бичгийн 31 дүгээр хуудасны Дасгал 1, 2).	20	Хүснэгт үүсгэж, мэдээлэл оруулж сурах.
3	Хүснэгтийг хэлбэржүүлнэ. Дасгал 1, 2-ын үр дүнг ашиглах.	10	Хүснэгтийн мэдээллийг хэлбэржүүлэх, зэрэгцүүлэх; Сүүдэр оруулах;  Мөр, багана хоорондын зайг тохируулах;    Мөр, багана нэмэх, устгах.
4	Судалгааны хүснэгтүүдийг нэгтгэж, сурах бичгийн 30 дугаар хуудасны асуудалд өгөгдсөн мэдээллийг ашиглан тооцоо хийгээд, Дасгал 3-т байгаа хүснэгтэд өгөгдөл оруулна.	2	Судалгааны өгөгдлийг ашиглан бичил тооцоо хийж сурах.
5	Асуудал 2-т тулгуурлан хүснэгтүүдийн мэдээллийг нэгтгэх хэрэгцээг ойлгож, шинэ хүснэгт үүсгэнэ сурах бичгийн 32-33 дугаар хуудасны, Дасгал 3, 4).	20	Дэд мөр, багана бүхий хүснэгт хийх аргыг ойлгож, хийж сурах.
6	Хүснэгтийг хэлбэржүүлнэ:        Сурагчдын түвшингээс хамаарч шинэ хүснэгт хийх хэрэглээнд чиглүүлсэн дасгал даалгавар хийлгэх, эсвэл сурах бичгийн Дасгал 3, 4-т үндэслэн дасгал ажиллуулах;          Сурах бичгийн 33 дугаар хуудасны Мэдэхүй хэсгийг ашиглана.	20	Хүснэгтийн нүдэн дэх өгөгдлийг хэлбэржүүлэх, зэрэгцүүлэх;          Сүүдэр оруулах;          Мөр, багана хоорондын зайг тохируулах;         Мөр, багана нэмэх, устгах;          Бичвэр мэдээлэл боловсруулах чадвараа хөгжүүлэх.

Үнэлгээ:

Хичээлийн явцад гүйцэтгэсэн дасгал, даалгаврыг шалгуур гарган, дүгнэж, гүйцэтгэлийг сурагч бүрээр тэмдэглэх.