Ээлжит хичээлийн хөтөлбөр3

Сэдэв: Баримтад зураг, дүрс оруулах

Заах анги: Ерөнхий боловсролын сургуулийн 7-р анги

Хичээлийн хэлбэр: Шинэ мэдлэг эзэмшүүлэх

Суралцахуйн зорилт: Сэдвийн агуулгатай холбоотой зургийг зөв сонгож оруулах, бэлэн дүрс ашиглан бүдүүвч, зохиомж хийж мэдээллийг дүрслэх, объектыг засварлах чадвартай болох. эзэмших мэдлэг, чадвар: Баримтад зураг, объект оруулах, засварлах.

Түлхүүр үг: Зураг, дүрс, объект.

Судлах цаг: 2

Хичээлийн үйл ажиллагаа:

№	Үйл ажиллагаа	Хугацаа 80 мин	Хүрэх үр дүн
1	Сурах бичгийн 26 дугаар хуудасны Асуудал хэсэг болон өмнөх хичээлийн гэрийн даалгаврын гүйцэтгэлд тулгуурлан баримтад зураг, объект оруулах хэрэгцээг үүсгэж, сэдэлжүүлнэ.	5	Баримтад хэрхэн зураг, объект оруулах талаар мэдэхийг хүсэх.
2	Сурах бичгийн 26 дугаар хуудас дасгал 1-ийг гүйцэтгэнэ:  Энэ дасгалыг гүйцэтгэснээр юу сурсныг ярилцаж, зураг оруулах аргыг дэвтэрт тэмдэглүүлэх; Зургийг хэрхэн сонгосныг тайлбарлуулах; Зургийг сонгоход гардаг зурагтай ажиллах нэмэлт цэсийг ойлгуулах (Зураг 2.1.4).	7	Баримтад зураг оруулах, сонгон идэвхжүүлэх аргыг сурах, зургийн нэмэлт хэрэгслийг ойлгож мэдэх.
3	Сурах бичгийн 27 дугаар хуудасны Дасгал 2-ыг гүйцэтгэнэ:  Дасгалыг гүйцэтгэх явцдаа зургийн хэмжээг хэрхэн ихэсгэх, багасгах талаар ярилцах, дүгнэх.	5	Зургийн хэмжээг өөрчилж сурах.
4	Сурах бичгийн 27 дугаар хуудасны Дасгал 3-ыг гүйцэтгэх:  Дасгалын 3 дугаар алхмыг гүйцэтгэсний дараа үр дүнг ярилцаж бичвэр дунд зургийг байрлуулах ойлголтыг өгч, аргыг дэвтэрт бичүүлэх;  Зураг 2.1.8-д үзүүлсэн бусад сонголтыг туршиж үзэх, ялгааг гаргуулах.	7	Зургийг баримтад төрөл бүрийн хэлбэрээр байрлуулах аргыг сурах.
5	Сурах бичгийн 27 дугаар хуудасны Дасгал 4 -ийг гүйцэтгэнэ: Дасгалын үр дүнг тайлбарлан ярилцаж бэлэн дүрсийг баримтад хэрхэн оруулах (зурах) аргыг сурах;  Дүрс оруулж сонгох, хэмжээг өөрчлөх үйлдлийг зурагтай адилхан хийж болох эсэхийг турших, дүгнэх.	5	Баримтад бэлэн дүрс оруулах, сонгох, хэмжээг өөрчлөх аргыг сурах.
6	Сурах бичгийн 27 дугаар хуудасны Дасгал 5-ыг гүйцэтгэнэ: Бэлэн дүрсийг эргүүлэх, дүрсэд бичвэр оруулах аргыг дасгалын үр дүнгээс ярилцаж гаргуулах, дэвтэрт бичиж тэмдэглүүлэх.	7	Бэлэн дүрсийг эргүүлэх, дүрсэд бичвэр оруулах.
7	Сурах бичгийн 28 дугаар хуудасны асуудлыг танилцуулж, шийдвэрлэх арга замыг хайн, сэдэлжүүлэнэ.	2	Зураг, дүрсийг өөрчлөх, засварлах аргыг мэдэх, хэрэглэх.
8	Сурах бичгийн 28 дугаар хуудасны Дасгал 1-ийг гүйцэтгэнэ: Дүрсийг дүүргэж будах аргыг сурахаас гадна өнгөөр, зургаар, өнгөөр уусгаж, ширхэг гарган олон янзаар будах боломжийг, будахгүй болгох аргыг мэдэхэд чиглүүлэх.	5	Дүрсийг дүүргэж будах.
9	Сурах бичгийн 28-29 дүгээр хуудасны Дасгал 2, 3, 4-ийг гүйцэтгэх:  Дасгалын алхам бүрээр юу хийж сурсныг ярилцаж, аргыг дэвтэрт тэмдэглэх.	15	Дүрсийг эргүүлэх, хэлбэрийг өөрчлөх, будахгүй байх сонголтыг хийх, хүрээ шугамын өнгө, өргөнийг тохируулах.
10	Сурах бичгийн 29 дүгээр хуудасны Дасгал 5-ыг гүйцэтгэнэ: Дасгалын алхам бүрээр юу хийж сурсныг ярилцаж, аргыг дэвтэрт тэмдэглүүлэх.	5	Бэлэн зургийн сангаас зураг оруулах, зургийн өнгө өөрчлөх, тодруулж, бүдгэрүүлэх, хэмжээг ихэсгэх, багасгах, бичвэр дунд байрлуулах, хувилах.
11	Сурах бичгийн 35 дугаар хуудасны даалгавар 2-ыг гүйцэтгэнэ:Дасгалыг бэлэн дүрсийг ашиглан зохиомжилж, мэдээллийг оновчтой дүрслэхэд чиглүүлсэн. Иймд багш үүнийг анхаарч чиглүүлэх хэрэгтэй.	15	Бэлэн дүрс ашиглан зохиомж хийх.
12	Гэрийн даалгавар: Сурах бичгийн 30 дугаар хуудасны Дасгал 1-ийн хүснэгтүүдийг дэвтэртээ зураад, гэр бүлийнхнээсээ судалгаа авч, тоон үзүүлэлтийг бөглөж, тооцоо хийх.	2	Бичил судалгаа хийх, мэдээлэл цуглуулах, өгөгдлийг ашиглан тооцоо хийх.

Үнэлгээ:

Хичээлийн явцад гүйцэтгэсэн дасгал, даалгаврыг шалгуур гарган, дүгнэж, гүйцэтгэлийг

 сурагч бүрээр тэмдэглэх.